Многу вработени во Германија би сакале да работат помалку, според податоците од студијата на институтот IFO направена за независната фондација „Bertelsman Štiftung“.
Во моментов, 50 проценти од вработените мажи и 41 процент од жените работат повеќе отколку што би сакале. Мажите работат во просек 41 час неделно и би сакале да работат 37 часа, додека жените работат во просек 32 часа неделно и повеќе би сакале да работат 30 часа. Двете групи би прифатиле намалување на платата, се наведува во соопштението на Институтот доставено до Танјуг.
Сепак, студијата открива и дека 17 проценти од вработените жени и девет проценти од мажите би сакале да работат повеќе.
„На прашањето, на пример, дали мајките повеќе сакаат да го зголемуваат или намалуваат работното време, можностите за згрижување на децата имаат силно влијание“, вели Андреас Пејл, директор на IFO Центарот за макроекономија и истражување и коавтор на студијата.
Тој додава дека многу жени, доколку имаат подобар баланс помеѓу приватниот и деловниот живот, би сакале да работат подолго.
„Тоа би било рационално решение со оглед на недостатокот на квалификувани работници во Германија“, заклучи Пејл.
