Google објави дека потпишал бројни договори за лиценца со италијанските медиуми, што се отвора пат за надоместоци за издавачите на весници, според законот што беше утврден со европската директива пред две години и е сличен на авторските права.
Овие договори им даваат на италијанските издавачи на печатените медиуми пристап до Google News Showcase, новата програма објавена од Google минатата година, со која им се плаќа на медиумите за збогатен избор на содржина.
„Овие договори претставуваат важна фаза во односот на Google со италијанските издавачи, преку плаќање на издавачите како дел од Google News Showcase, се вели во соопштението на Google.
„Google News Showcase ќе биде достапна во Италија во наредните месеци“, беше прецизирано.
„Договорите се важен чекор и потврда на посветеноста на google кон издавачите“, рече Фабио Вакароно, генерален директор на италијанскиот огранок на Google.
Меѓу потписниците на договорот се RCS MediaGroup, Il Sole 24 Ore, Gruppo Monrif, Caltagirone Editore, Il Fatto Quotidiano, Libero, Il Foglio, Il Giornale, Il Tempo, Ciaopeople, Edinet, Gruppo Corriere, Citynews и Varese Web.
„Плаќањето информации, вклучително и правата поврзани со дистрибуција на дигитални содржини, се главните теми за кои се бореше нашата издавачка група“, рече шефот на водечкиот италијански весник Џузепе Сербон.
