„Bentley“ го претстави најбрзиот „цивилен“ автомобил во својата 101-годишна историја. Тоа е новиот „Continental GT Speed“, која забрзува од 0 до 100 km/h за 3,6 секунди и развива максимална брзина од 335 km/h.
Актуелната, трета генерација на „Continental GT“ дебитираше во 2017-та година, но неговата спортска верзија со традиционалното прицврстување на моделот „Speed“ се појави дури сега. Тој е повеќе технолошки, помоќен, побрз и подинамичен од неговиот претходник и сега може да се нарача на повеќето пазари.
Претходниот „Continental GT Speed“ беше опремен со 6,0-литарски твин-турбо W12 кој развиваше 635 ks што беше доволно за забрзување од 0 до 100 km/h за 4,1 секунда. Максималната брзина беше 332 km/h. Новата верзија со 24 ks помоќна и 0,5 секунди побрза, а нејзината максимална брзина е 3 km повеќе.
Опремата на моделот вклучува тркала од 22 инчи, сопирачки од керамика-карбон и спортски седишта. Покрај тоа, новиот „Continental GT Speed“ добива вртежни задни тркала, адаптивна суспензија со прилагодување на вкочанетоста на амортизерите, електронски заден диференцијал и систем за исклучување на половина од цилиндрите.
Разликите во изгледот од стандардниот „Continental GT Speed“ се во затемнетата решетка и хромираното лого „Speed“ со нов дизајн напред. Клиентите можат да изберат помеѓу 11 опции за боја во кабината и 15 различни комбинации на распоредот.
6,0-литарскиот мотор W12 развива 659 ks и 900 Nm вртежен момент, во комбинација со обновениот 8-степен менувач со двојна спојка што менува брзини двојно побрзо од стандардниот „Continental GT“.
Нарачките за моделот веќе се прифаќаат, а првите испораки до клиентите ќе бидат направени во септември. Цените на „Continental GT Speed“ засега не се познати, но тие сигурно ќе бидат повисоки од оние на стандардниот модел, кој чини минимум 202.500 долари.
