Хрватска може да го воведе еврото најрано на 1 јануари 2023 година, а најголеми предности може да имаат извозно ориентираните компании на тоа подрачје.
Ова беше кажано на конференцијата „Едноставно за еврото“ организирана од студентското здружение Финансиски клуб во Загреб.
„Дали Хрватска ќе се приклучи на еврозоната на 1 јануари 2023 година или година/две подоцна зависи од тоа кога ќе ги исполниме номиналните критериуми за конвергенција“, рече гувернерот Борис Вујчиќ, потсетувајќи дека Хрватска се приклучи на Европскиот монетарен механизам II (ERM II) минатото лето, пренесува Poslovni.hr.
Гувернерот истакна дека ERM II бара од членките да поминат најмалку две години во рамките на механизмот.
Ако успее да ги задоволи номиналните услови на конвергенција, т.н. Критериуми од Мастрихт – стабилен курс, стабилни каматни стапки, буџетски дефицит и ниво на јавен долг, земја во ERM II може да помине неограничено време.
Тој се осврна на истражувањето дека граѓаните, при воведување на еврото, најмногу се плашат од паѓање на стандардите заради зголемувањето на цените. Истражувањата во земјите кои го прифатија еврото покажуваат дека тоа не е оправдан страв, бидејќи во годината на воведување на еврото, цените пораснаа во просек за 0,23 проценти од бодовите.
Министерот за економија Томислав Чориќ рече дека потенцијално најголемите добитници од воведувањето на еврото би можеле да бидат извозниците, со оглед на исчезнувањето на валутниот ризик. Тој посочи дека воведувањето на еврото не е цел само по себе, туку многу добра алатка за долгорочен економски раст и развој.
