Биткоинот утрово се консолидираше под 60.000 долари, по новите рекордни висини забележани за време на викендот, бидејќи инвеститорите се фокусираа на инфлацијата и американскиот пакет за стимулативна потрошувачка, што ќе ја поттикне вредноста на оваа валута уште повисоко.
Најпопуларната крипто валута во светот се лизна на 58 956,90 американски долари на отворањето на тргувањето во Азија, паѓајќи од рекордната вредност од 61 781,83 долари, кој ја допре во саботата.
Биткоинот ја зголеми повеќе од двојно својата вредност во 2021 година, откако минатата година неговата цена се зголеми за четири пати.
Неговото ново зајакнување за време на викендот придонесе за подобрување на апетитот на инвеститорите на финансиските пазари, откако претседателот на САД, Џо Бајден, го потпиша законот за фискални стимулации од 1,9 трилиони долари и нареди забрзување на вакцинацијата.
