Моделот „Oppo Find X3 Pro“ беше официјално претставен, а овој премиум телефон доаѓа со чипсет „Snapdragon 888“, две 50MP камери, адаптивен екран за освежување. Сепак, главната карактеристика на телефонот е секако дизајнот на задниот дел, кој е создаден од едно парче стакло, кое се протега континуирано со закривени контури.
„Find X3 Pro“ има 6,7-инчен „LTPO AMOLED“ дисплеј со „QHD +“ резолуција и поддржува стапки на освежување помеѓу 5Hz и 120Hz. Ова овозможува дополнителна флуидност на приказот на сликата кога е потребно или заштеда на батеријата кога не се користи освежување.
Системот на камерата на задната страна се состои од два сензори „Sony IMX766“ од 50MP (големина 1 / 1,56 “), од кои едниот е со широк агол, а другиот со ултра-широк агол: Главната камера нуди и „OIS“, „EIS“ и „All Pixel Omni“- насочен „PDAF“. 13MP f / 2.4 (5x хибриден зум) и 3MP макро камера. На предната страна има сензор од 32MP, лоциран во „punch-hole“.
„Oppo Find X3 Pro“ има поддршка за безжично полнење, и ова е првиот модел во низата што ја нуди оваа опција. „AirVOOC Wireless Flash Charge“ нуди можност за полнење до 30W преку доделен држач. Батеријата има капацитет од 4.500mAh. Постои и брз полнач „SuperVOOC 2.0“ од 65W, кој го полни телефонот од нула до 40% за 10 минути, а до 100 проценти за 30 минути.
Благодарение на чипсетот „Snapdragon 888“, телефонот има поддршка за 5G, преку модемот „Snapdragon X60“. Ќе поддржува до 13 бендови, од спектарот „SA“ и „NSA“. Тука се и „Bluetooth 5.2“, „Wi-Fi 6E“ и „USB 3.1“. Другите карактеристики вклучуваат „ColorOS 11.2“ базиран на „Android 11“, како и стерео звучници „Dolby Atmos“.
„Oppo Find X3 Pro“ има само една опција за меморија и простор за складирање: 12 GB LPPDR5 RAM и 256 GB UFS 3.1 простор. Телефонот ќе биде достапен во варијанти на „Gloss Black“ и „Blue Matte“, а од 30-ти март ќе се испорачува по цена од 1.149 евра.
