Бројни студии потврдуваат дека индексите на среќа на жените се меѓу највисоките во светот во скандинавските земји.
Еве 9 работи што жените во Скандинавија ги прават поинаку од остатокот од светот и кои секако придонесуваат за нивното чувство на среќа.
Често преземаат иницијатива, не чекајќи мажот да го направи првиот чекор
И во деловниот и во приватниот живот – жените во Скандинавија честопати ќе преземат иницијатива и ќе обезбедат да го добијат она што го сакаат. Без разлика дали тие бараат покачување или први ќе испратат порака до момче што го сакаат.
Не се типични домаќинки
Домашните работи во Скандинавија се рамномерно распоредени, што вклучува воспитување и образование на децата за што честопати се грижат татковците. Во тоа им помага и законот во Скандинавија кој им гарантира на татковците 90 дена породилно отсуство.
Уживаат во сите возрасти и не се оптеретуваат со годините
Жените во Скандинавија веруваат дека секоја деценија носи одредена предност и тие не се оптоваруваат со годините и стареењето како што прават жените во остатокот од светот. Ги носат своите години со гордост и ова е една од причините зошто индексите на среќа кај жените се особено високи во подоцнежниот живот во Скандинавија.
Не се оптеретени од трендовите
Скандинавските жени обично трошат многу пари на облека, но не затоа што го следат секој тренд, туку затоа што купуваат материјали со највисок квалитет, како и парчиња што се класични и независни од трендовите. Во Норвешка, волнените производи се посебен хит.
Не трошат многу време за готвење
Трикот е што многу скандинавски семејства менуваат сложени оброци – со сендвичи. „Matpakke“ е типична норвешка традиција во која се подготвува сендвич за ручек во восочна фолија, а многу често сендвич се јаде и за појадок, додека вечерата е резервирана за лесни јадења од компир и лосос.
Нема непотребна драма
Многу ретко се гледаат Скандинавци кои драматизираат. Во секоја ситуација, првиот инстинкт е да барате рационален начин за решавање на проблемот, со што ќе се избегнат бројни конфликти.
Секогаш се облекуваат според времето
Времето е поважно од трендовите. Ако врне, жените во Скандинавија ќе носат мантили и нема да се оптеретуваат дали се во тренд.
Не вежбаат поради изгледот
Вежбањето е задоволство за жените од Скандинавија, па затоа тие често се занимаваат со активности што ги забавуваат. Тие нема да одат во теретана само за да изгледаат добро, туку повеќе сакаат да одат на прошетка, на планина или да прават некоја друга активност што ги исполнува.
Носат минималистички накит
Накитот што го носат секој ден е претежно едноставен и класичен.
Не стапуваат во брак поради притисокот на општеството
Жените во Скандинавија многу ја ценат својата слобода и стапуваат во брак кога сакаат и кога се подготвени. Ниту еден притисок не помага и многумина избираат живот „sambo“. Тоа е термин што означува живот и долга врска со партнер која никогаш не завршува со брак.
