Зголемен бројот на нови пациенти со коронавирус во болниците

Во болниците во земјата се лекуваат 917 ковид – пациенти, од кои 350 во Скопје, а останатиот дел во другите градови, соопшти Министерството за здравство.

Од таму велат дека бројот на нови пациенти со коронавирус изминативе денови е зголемен и утрово до 8 часот во Скопје имало пет слободни места во болниците, а во ковид – центрите низ земјава има околу 290 празни болнички кревети.

„Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени“, се наведува во соопштението.