Глобалниот пазар на храна е на пат да генерира 370 милијарди евра приход од продажба помеѓу 2020-та и 2022-ра година, постигнувајќи кумулативен годишен раст од 3,1%, според „IGD“, цитиран од онлајн изданието „Europe-Re.com“.
„IGD“ го следеше огромниот раст на трговијата со храна во 2020-та година, во кој првите 20 пазари ќе остварат приходи од продажба од 235 милијарди евра, што претставува зголемување од 8,8% на годишно ниво.
Забрзаниот раст на поголемиот дел од глобалниот пазар на мало во 2020-та година беше поттикнат од промената на потрошувачките трошоци од „надвор од домот“ до „домот“, како резултат на ограничувањата заради блокадите.
Индија ќе биде земја со најбрз раст во периодот 2020-2022 година со кумулативен годишен раст од 7,2%. САД ќе останат водечки пазар до 2022-ра година, предвидува „IGD“.
На среден рок, Централна и Источна Европа се очекува да растат побрзо од Западна Европа. Растот во Кина ќе остане силен и забрзаната транзиција кон купување преку Интернет ќе продолжи.
Промената на малопродажбата во Велика Британија ќе задржи некои од своите нови карактеристики, како што се купување преку Интернет и големи купувања за целата недела.
„Економските предизвици се очекуваат во повеќето западноевропски земји во 2021-ва година, така што трговците ќе мораат да се фокусираат на цената за да останат конкурентни“, рече Џон Рајт, шеф оделот за Европа, Блискиот исток и Африка во „IGD“.
„Трендовите пред Ковид-19 се забрзуваат со пандемијата, што доведе до побрз премин кон купување преку Интернет на повеќето пазари, а тоа стимулираше повеќе инвестиции во овој канал. Во Велика Британија, по острата промена на потрошувачките трошоци од прехранбени услуги до трговци со храна во 2020-та година, растот на продажбата ќе стане поумерен, бидејќи националната програма за вакцинација дозволува повторно отворање на секторот за ресторани“, додаде Рајт.
„Интернет-шопингот ќе го задржи својот голем удел на пазарот, а големото неделно купување ќе остане популарно. Намалувањето на финансиската поддршка и зголемувањето на невработеноста ќе направат некои домаќинства да заштедат на намирници, додека други може да потрошат помалку со почетокот на закрепнувањето на јадењето надвор“, рече тој.
