Профил на „Weibo“, која оттогаш е избришан, објави дека „Huawei P50“ го заврши периодот на тестирање на платформата „HarmonyOS 2.0 Beta 2“ и се сели на „Beta 3“. „Huawei P50“ ќе биде првиот телефон што ќе пристигне со претходно инсталираниот „HarmonyOS“.
Серијата „Huawei P50“ секако нема да биде првиот кој ќе го користи оперативниот систем на кинеската компанија. Неколку постари премиум модели можат да ја користат платформата во бета фаза. Она што е интересно е дека серијата „Huawei P50“ ќе биде првиот што целосно ќе го прескокне „Android“.
Кога станува збор за постојните уреди, се очекува масовна транзиција кон „HarmonyOS“ од април, а процесот ќе го водат телефони на „Huawei“ од повисокиот сегмент. Официјалните лица на „Huawei“ очекуваат „HarmonyOS“ да се лансира на 300-400 милиони уреди до крајот на годината (тука спаѓаат паметни ТВ уреди, паметни часовници и „Internet of Things“ гаџети).
Како подготовка за оваа транзиција, „Huawei“ ја проширува својата „Petal“ линија на алтернативни услуги. „Petal Search“ стана целосен пребарувач, а потоа беа објавени „Petal Maps“ и „Petal Docs“. „Huawei“ наскоро ќе ги претстави апликациите „Petal Assistant“, „Petal keyboard“ и „Petal Vision“.
