Француските нуклеарни тестирања спроведени во минатото во алжирскиот дел на пустината Сахара сега дојдоа за наплата, а цехот можеби, се чини, ќе го плаќаат и други делови на Европа, не само Франција.
Радиоактивната прашина од Сахара од февруари минува низ Франција, објави Друштвото за контрола на радиоактивноста на Западот (ACRO).
Радиоактивната прашина од Сахара пристигнува во Европа преку ветер од пустината Сахара и предизвикува загадување на воздухот над делови од Јужна Европа. Научниците потврдиле дека прашината била радиоактивна откако собрале примероци.
Сепак, нивото на радиоактивност на оваа прашина не е опасно, но медиумите не ја пропуштија можноста да истакнат дека Франција спроведе нуклеарни тестови во Сахара во 60-тите години на минатиот век, додека Алжир сè уште беше нивна колонија и со тоа ја загади пустината со радиоактивни честички.
Метеоролозите објаснија дека напливот на тој облак прашина е предизвикан од големото невреме кое започна од Мароко и кое татнеше низ североисточниот дел на таа земја со брзина на ветерот од околу 100 километри на час.
