Од почетокот на пандемијата, луѓето се повеќе се интересираат за платформи за стриминг и, следствено, за телевизори.
Ова, се разбира, им овозможи на многу производители да експериментираат и да видат до каде можат да стигнат кога станува збор за иновациите.
Така, компанијата „C SEED“ одлучи да направи „преклопен“ телевизор со дијагонала од 165 инчи – „C SEED M1 TV“, кој во текот на есента треба да се најде во продажба.
Овој телевизор тежи околу 1.300 килограми и е вграден во подот на просторијата. Огромниот панел со резолуција од „4K“ што го носи алуминиумската конструкција се состои од пет дела и зафаќа површина од 7,5 квадратни метри.
Уредот користи иновативна „microLED“ технологија, така што тоа е една од причините за неверојатната цена – чини дури 400.000 долари (околу 332.000 евра). Оваа цена не вклучува инсталација во подот, која се доплаќа дополнително.
Новата „microLED“ технологија, меѓу другото, значи дека квалитетот на сликата воопшто не е изгубен во точките на свиткување.
Коментари