„Casa Son Vida“ е храбар проект на „TecArchitecture“ и студиото „Marcel Wanders“ лоцирaна на Палма де Мајорка во Шпанија…
Овој неверојатен ентериер од 800 квадратни метри, е карактеризиран со уникатен стил, каде луксузот и префинетоста го мамат секој поглед.
Мајорка е прекрасно место, па затоа и оваа куќа имаше задача да ги исполни луксузните очекувања. Пример за тоа е фантастичниот базен кој се прелева во прекрасната градина.
Архитектурата на куќата, исто така е еден од иновативните елементи. Како пример можат да се презентираат надворешните скалила, кој потсетуваат на рбетен столб. Исто така, на фасадата можат да се забележат голем број на слики и графички дизајни кои за некого беа неочекувани.
Мора да признаеме дека некои елементи не се вклопуваат во луксузната тема, но токму тоа ја прави оваа резиденција уникатна. Со својот храбар, моќен стил „Casa Son Vida“ ги привлече очите на сите љубители на луксузот во светот.
