„Galaxy Folder“ би требало да биде новиот паметен телефон на „Samsung“ кој ќе биде во средната класа и ќе биде многу поразличен од најпопуларните модели на пазарот.
Тоа што го разликува е секако формата, затоа што тој ќе биде традиционален преклопен мобилен, но со најнови хардверски и софтверски достигнувања кои ги имаат и останатите модели на „Galaxy“. Секој ден сме сведоци на фотографиите кои излегуваат од производните погони на „Apple“, така сега ни пристигнаа и неколку скици и слики од претстојниот „Galaxy Folder“.
Според виденото ова треба да биде преклопен телефон со два екрана кои ќе се наоѓаат на двете страни од поклопецот. Во внатрешноста по отварањето би требало да биде достапна класична нумеричка тастатура каква корисниците на паметните телефони веќе ја имаат заборавено. Од останатите досега познати детали се дека ќе има опција за „dual SIM“, додека основата на хардверот ќе биде „dual core“ процесор „Snapdragon 400“ и 2GB РАМ меморија. Телефонот пред се ќе биде наменет за корисниците кои немаат толку големи барања, како и за пазарите во развој.