Медиумската групација „IBT“ денес соопшти дека ќе го купи американскиот магазин „Newsweek“.
Договорот за купување би требало да биде потпишан во текот на наредните денови, а деталите за трансакциите не се објавени.
Сегашниот сопственик на „Newsweek“ интернет групацијата „IAC“ соопшти дека во мај магазинот е понуден на продажба.
„IBT Media“, која е основана во 2006 година, е сопственик на сајтовите „International Business Times“, „Medical Daily“, „Latin Times“ и „iDigitalTimes“, кои месечно имаат повеќе од 30 милиони посетители.
„Newsweek“, вториот најтиражен американски информативен неделник, на крајот на 2012 година се откажа од своето печатено издание и премина исклучиво на дигитална верзија.