Биткоинот достигна пазарна капитализација од 1 трилион долари, подобрувајќи го денешниот рекорд од околу 982 милијарди долари и игнорирајќи ги предупредувањата на аналитичарите дека валутата е „забава од економска страна“ и „лошо засолниште“, објави „Reuters“.
Цената на најпопуларната криптовалута во светот се искачи на рекордна вредност од нешто помалку од 55.772 долари, со тоа што биткоинот порасна за 13% за целата недела. Од почетокот на месецот, неговата вредност е зголемена за 66%, а од почетокот на годината за околу 90 проценти.
Порастот на цената на биткоинот е стимулиран од знаците дека тој добива широко прифаќање кај масовните инвеститори и компании – од „Tesla“ и „Mastercard“ до „BNY Mellon“.
Но, многу аналитичари и инвеститори остануваат скептични кон лошо регулираното и високо нестабилното дигитално средство, кое сè уште малку се користи за тргување.
Според Јакоб Скананинг, управител на портфолиото во хеџ фондот „ARK36“, следната цел е пазарната капитализација на биткоинот да достигне проценка колку матичната компанија на „Google“, „Alphabet“ – 1,431 трилиони долари.
Аналитичарите на „JP Morgan“ тврдат дека сегашните цени на биткоинот се далеку над проценките на фер вредноста и широко распространетиот влез меѓу инвеститорите што ја зајакнува нејзината корелација со цикличните средства кои растат и паѓаат со промените во економијата, што пак ги намалува придобивките од диверзификацијата на биткоинот, се вели во документот на инвестициската банка.
„Крипто активите продолжуваат да бидат најлошата заштита од големите падови на акциите, со сомнителни придобивки од диверзификацијата на цените досега над трошоците за производство, додека корелациите со цикличните средства се зголемуваат бидејќи крипто-валутите се распространети“, велат аналитичарите од „JP Morgan“.
