Доверливиот дојавувач „Ice Universe“ објави помалку контроверзна информација дека следниот паметен часовник на „Samsung“ може да ја замени платформата „Tizen“ со „Android“.
Ова не е прв пат да слушнеме дека „Samsung“ може да користи „Android Wear OS“ наместо „Tizen“ – Еван Блас (@evleaks) уште во 2018-та година им предложи на вработените во „Samsung“ да користат „Wear OS“ часовници.
Сепак, сите часовници што пристигнаа од „Samsung“ оттогаш ја користеа платформата „Tizen“, а консензус е дека тие беа подобри од нивните „Android“-конкуренти. Ова значително ги доведува во прашање наводите на дојавувачот, бидејќи е малку веројатно дека „Samsung“ сака да ја замени својата успешна „Tizen“ платформа со „Wear OS“.
Можно е „Samsung“ да сака да ја прошири својата покриеност на пазарот, со најавување паметен часовник со софтвер „Wear OS“, заедно со постојната линија на уреди кои го користат „Tizen“, „Galaxy Watch 3“.
Последниот паметен часовник на „Samsung“ што користеше „Android“ беше „Gear Live“ од 2014-та година.
Коментари