На „Apple“ најмногу му забележуваат за тоа дека ги користи офшор даночни рајови за да ги намали даноците во САД, но далеку од тоа дека е единствената компанија која го прави. Шест од најголемите имиња во технолошкиот сектор – „Apple“, „Microsoft“, „IBM“, „Cisco Systems“, „Hewlett-Packard“ и „Google“ се рангирани во првите 15 на најголемите јавните компании (на приходи), кои имаат најмногу средства во офшор сметки, покажува новиот извештај на организацијата „PIRG“.
„Многу од големите американски корпорации кои развиваат меѓународна дејност го избегнуваат плаќањето на даноци во САД, а користат сметководствени трикови за да прават поголема добивка генерирана надвор од САД, па поради тоа во предвид се земаат офшор даночни рајови – земји со минимални или нула даночни стапки“, се вели во извештајот на групата.
Компаниите во офшор зоните регистрираат единици кои честопати се шупливи компании со неколкумина вработени или без вработени и кои не развиваат речиси никаква дејност. Со тоа мултинационалните корпорации успеваат да избегнат плаќање на 90 милијарди долари даноци секоја година.
Водечките 15 компании на овој показател за 2012-те година заработиле вкупно 776 милијарди долари надвор од САД и тоа преку 859 единици регистрирани во офшор зоните. Просечната даночна стапка, која овие компании во моментов ја плаќаат во други земји надвор од САД е 6,9 проценти, што е далеку од задолжителните 35 проценти данок на добивка во САД.
Еве и кои се 15-те најголеми американски јавни претпријатија со најмногу средства во офшор зони:
„General Electric“ – 108 милијарди долари, 18 офшор единици, „Apple“ 82,6 милијарди долари,3 офшор единици, „Pfizer“ – 73 милијарди долари, 174 офшор единици, „Microsoft“ – 60,8 милијарди долари, 5 офшор единици, „Merck“ – 53,4 милијарди долари, 151 офшор единици, „Johnson & Johnson“ – 49 милијарди долари, 55 офшор единици, „IBM“ – 44,4 милијарди долари, 16 офшор единици, „Exxon Mobil“ – 43 милијарди долари, 36 офшор единици, „Citigroup“ – 42,6 милијарди долари, 20 офшор единици, „Cisco Systems“ – 41,3 милијарди долари, 47 офшор единици, „Abbott Laboratories“ – 40 милијарди долари, 107 офшор единици, „Procter & Gamble“ – 39 милијарди долари, 43 офшор единици, „Hewlett-Packard“ – 33,4 милијарди долари, 22 офшор единици, „Google“ – 33,3 милијарди долари, 2 офшор единици, „PepsiCo“ – 32,2 милијарди долари, 160 офшор единици.
