Компанијата „Under Armour“ објави изненадувачки профит за празничниот квартал, откако неговите приходи беа поддржани со силен раст на дигиталната продажба и контрола на трошоците, пишува „CNBC“.
Производителот на спортски производи исто така даде првична прогноза за 2021-ва година. Тој очекува приходите да растат со висока едноцифрена стапка, благодарение на обновувањето на побарувачката на потрошувачите во Северна Америка. Во 2020-та година, приходите се намалија за 15 проценти.
Цената на акциите на компанијата порасна за 6% пред почетокот на тргувањето.
Нето приходот за четвртиот квартал се искачи на 184,5 милиони долари или 40 центи по акција, од загуба од 15,3 милиони долари или 3 центи по акција, пред година порано.
Претходно, компанијата објави план за преструктуирање вреден помеѓу 550 и 600 милиони долари, што има за цел да ги подобри профитите и протокот на пари. „Under Armour“ објави 62 милиони долари такси пред оданочување за четвртиот квартал поврзани со планот. Со исклучок на еднократните артикли, компанијата заработи 12 центи по акција. Аналитичарите предвидуваат загуба од 7 центи по акција.
Приходите се намалија за 3 проценти на 1,40 милијарди долари од 1,44 милијарди долари пред една година, но успеаја да ја надминат прогнозата од 1,27 милијарди долари.
Приходите од трговија на големо паднаа за 12 проценти, а бизнисот со директни потрошувачи порасна за 11 проценти, поддржан со скок од 25% во продажбата преку Интернет. „Under Armour“ бележи зголемен број на посетители на веб-страниците кои купуваат спортска опрема и други спортски додатоци за домот во обид да останат активни за време на пандемијата.
Компанијата продолжува да се бори со слабоста на својот домашен пазар. Продажбата во Северна Америка се намали за 6%, а приходите од меѓународните пазари се зголемија за 7%.
Иако пандемијата останува неизвесна, компанијата прогнозираше за годинава, очекувајќи загуба од 18 до 20 центи по акција. По прилагодувањата, „Uber Armor“ очекува да заработи помеѓу 12 и 14 центи по акција. Аналитичарите предвидуваат 13 центи по заработка на акциите, според „Refinitiv“.
