Според најновата студија, вакцината од Biontech и Pfizer делува и против мутирачките видови на коронавирус кои се појавија во Јужна Африка и Велика Британија, објавија компаниите во понеделникот.
Студија објавена во стручното списание Natural Science покажува дека вакцината на BioNTech и Pfizer ги неутрализира новите видови на коронавирус, се вели во заедничката изјава на BioNTech и Pfizer.
Истражувањето на „Pfizer“ од крајот на јануари, спроведено од институтот во Тексас, веќе покажа делување на вакцината против вируси што мутираат. Списанието Natural Science сега објави истражување во екстерни лаборатории, кое исто така ја потврдува ефикасноста на вакцините против мутираните видови на коронавирус.
Во списанието се наведува дека сега е потребно понатамошно клиничко набљудување за да се добие дополнителен увид во ефектите на вакцината на Biontech / Pfizer врз овие видови.
Нови видови на коронавирус се докажани и во неколку сојузни држави во Германија. Поради појавата на нови видови кои се шират побрзо од постарите, експертите се сомневаат во укинувањето на строгите мерки.
