Заврши рекордната фискална година за „PayPal“

„PayPal“ ги објави резултатите за четвртиот квартал, како и за цела 2020-та година, кои се подобри од очекуваните. Претходната година беше рекордна за оваа компанија, која го оствари досега најголемиот обем на плаќања, како и најголемиот профит.

Овој финансиски извештај беше исто така можност да се обезбедат дополнителни информации за неодамнешната одлука за прифаќање на крипто-валути. По обезбедувањето лиценци во октомври од страна на „New York State Department of Financial Servides“ (NYDFS), што им овозможува на корисниците од САД да купуваат, чуваат и продаваат криптовалути преку нивната платформа „Venmo“, со што „PayPal“ официјално влезе на пазарот на криптовалути. Извршниот директор на компанијата, Дан Шулман, изјави дека „PayPal“ има сериозни намери и дефиниран патоказ поврзан со дигиталните валути и блокчејн технологиите. Поради тоа, тие вложија сериозни финансиски средства во поделбата што се занимава со овие работи.

Компанијата доби 16 милиони нови активни корисници само во текот на четвртиот квартал од 2020-та година, така што вкупниот број на активни корисници достигна 377 милиони. Ако ја погледнеме цела 2020-та година, бројот на активни корисници се зголеми за 72,7 милиони. За време на четвртиот квартал од 2020-та година, обработени се рекордни 277 милијарди долари, преку трансакции од 4,4 милијарди долари.

Во минатата фискална година, приходите на „PayPal“ беа 21,45 милијарди долари, што е за 21 процент повеќе од фискалната 2019-та година, а заработката по акција беше 3,88 долари. Компанијата постигна рекордни резултати благодарение на пандемијата на вирусот Ковид-19, бидејќи многу компании мораа да бидат дигитализирани брзо и „насилно“.

Од 2021-ва година, аналитичарите очекуваат приход во првиот квартал од 5,62 милијарди долари, како и заработка од 99 центи по акција.