Стапката на невработеност во Германија вo јули се зголеми на 6,8 проценти поради сезонските фактори – годишните одмори, покажуваат официјалните податоци на Федералната агенција за труд.
Стапката на невработеност во јуни изнесуваше 6,6 проценти – 2,914 милиони регистрирани невработени лица.
Невработеноста во јули се зголеми за 49,000 лица во однос на претходниот месец, а за 38,000 во однос на јули 2012 година, соопшти Федералната агенција за труд.
Во летниот период, стапката на невработеност обично се зголемува поради одморите и поради фактот што студентите се пријавуваат како невработени лица.
Невработеноста во Германија е далеку пониска во споредба со другите европски земји. Шпанија и Грција, на пример, имаат стапка на невработеност повисока од 25 проценти.
