Екипата на „Reddit“ ја продолжува играта, среброто со највисока цена во последните пет месеци

Вредноста на среброто утрово достигна максимум од последните пет месеци, скокнаа акциите на рудниците за сребро, а веб-страниците што го продаваат овој благороден метал беа заглавени додека малите инвеститори избезумено инвестираа во сребро, што е последниот фокус на лудило што ги турна финансиските пазари на работ.

По бумот што го предизвикаа со акциите на „GameStop“ кога ја подигнаа вредноста на акциите на компанијата против која се обложуваа волците од Волстит, се чини дека тимот од форумот „Reddit“ се фокусираше на пазарот на благородни метали.

Од средината на минатата недела, илјадници објави на „Reddit“ и стотици видеа на „Youtube“ ги поттикнаа малите инвеститори да инвестираат во сребро, делумно во верувањето дека зголемувањето на неговата цена може да им наштети на големите инвеститори кои се обложуваат дека неговата вредност ќе потоне.

Цените на среброто на достигнаа врв од 11 август, на 28,98 долари за унца, додека акциите на рудниците за сребро скокнаа за над 15%, а побарувачката за физичко сребро е двојно зголемена од четвртокот.