Доколку мислевте дека „Dacia“ нема да ја надмине моменталната гама, тогаш не сте во право. Пристигнува „Bigster“, голем „SUV“ со уште поголеми очекувања.
Чекор поголем од „Duster“, „Bigster“ на голема врата пристигнува во следните неколку години. А кога ќе се појави со своите димензии, особено со должината од 4,6 метри, директно ќе го нападне широкиот спектар од „Nissan X-Trail“ па се до „Ѕkodа Kodiaq“.
Покрај својот моќен изглед, „Bigster“ се истакнува и по новиот дизајн, досега невиден во гамата. Тој остава силен впечаток со речиси американски изглед со футуристички светла, масивни пластични украси и поголеми тркала. Но во следните четири години, колку што останаа до преставувањето, „Bigster“ веројатно ќе се промени. Затоа, новото лого најверојатно ќе остане.
Логично, може да се верува на ветената пространост во кабината, како и можноста да се понуди трет ред седишта. Монтиран на платформата „CMF-B“ што ја користат помалите модели на групата, „Bigster“ најверојатно ќе биде домаќин на барем еден приклучен хибриден погон.
Во секој случај, по ефтиниот електричен модел, „Bigster“ е уште една изненадувачка новина од „Daciа“ што ќе и овозможи на романската компанија мирна иднина.
