Грција губи 3 милијарди евра месечно од блокадата на економијата поврзана со ширењето на коронавирусот. Ова го коментираше владиниот портпарол Христос Тарантилис, цитиран од англиското издание на „Катимерини“.
Земјата започнува со постепено отворање на почетокот на следната недела (18-ти јануари), откако пред неколку дена најмладите се вратија во училиштата и градинките, сега на дневен ред е отворањето на продавниците и маркетите.
Во последните денови, во Грција се забележува пад на новите случаи на Ковид-19, а лекарите коментираат дека стравот од раст по празниците не е оправдан.
Продавниците ќе бидат отворени под посебен режим, објави „Катимерини“ повикувајќи се на свои извори. Една опција е продавниците да резервираат одредени часови за мали групи потрошувачи кои можат да купуваат.
Продавниците во Грција всушност ја преживеаа кризата, покажуваат статистичките податоци. Во 2020-та година има раст на приходите од 9,7% или околу 1 милијарда евра. Ова не доведува до значително зголемување на профитот, бидејќи бизнисот има направено дополнителни трошоци. На пример, супермаркетите се повеќе продаваат несуштинска стока или воведуваат систем за купување преку Интернет.
Се очекува подоцна денес владата во земјата да ги објави конкретните чекори за отворање на економијата. Засега не се очекува враќање на големите ученици во училниците. Студентите исто така ќе продолжат да учат од далечина.
Од почетокот на пандемијата, потврдените случаи на коронавирус во Грција се 147.000. Во ноември, земјата беше покриена со втор бран на болеста со повеќе од 2.000 нови случаи на ден. Ова ја принуди владата да воведе строги ограничувања на движењето со цел да се намали притисокот врз здравствениот систем.
Заклучно со 14-ти јануари, новите случаи во Грција се 599 со извршени 12.200 тестови. Од почетокот на пандемијата, во земјата се извршени скоро 3 милиони тестови за PCR и скоро 800.000 брзи антигени тестови.
Коментари