Американскиот производител им понуди на купувачите „SUV“ кој треба да ги задоволи, како потребите за зголемен простор во кабината, така и оние за луксузен ентериер.
„Grand Cherokee L“ има поразличен дизајн на надворешноста од регуларниот модел „Grand Cherokee“, кој засега ќе се продава паралелно со поголемиот „брат“.
Новиот „SUV“ стилски потсeтува на концептот „Grand Wagoneer“ од 2020-та година, особено кога се гледа предниот дел на автомобилот.
Со должина од 5.204 mm и меѓуосовинско растојание од 3.091 mm, „Grand Cherokee L“ нуди сосема доволен простор за три реда седишта и 7 возрасни патници.
Во конфигурација со сите седум исправени потпирачи, капацитетот на багажникот изнесува нешто помалку од 500 литри, кога ќе се навали третиот ред седишта, се добива простор од 1.300 литри.
Внатрешноста значително се разликува од стандардната верзија на моделот „Grand Cherokee“, a во поглед на внатрешноста на возилото открива дека „Jeep“ за кабината користел скапи и квалитетни материјали.
Командата табла е целосно нова, со централно поставен голем екран на мултимедијалниот систем со дијагонала од 10,1 инчи. Во поевтините верзии, е поставен помал екран од 8,4 инчи.
Стандарден дел од опремата е дигитална инструмент табла со екран од 10,3 инчи.
„Grand Cherokee L“ може да се нарача со тркала со пречник од 18-20 инчи, а меѓу бројните опции за доплата е и премиум аудио-системот од марката „McIntosh“ со 19 звучници.
Моторизацијата засега се состои од два познати погонски агрегати. Послабиот, 3,6-литарски „Pentastar V6“ кој испорачува 290 KS и 348 Nm, a тука е и 5,7-литарскиот „Hemi V8“ со 357 KS и 529 Nm.
Двата мотори се стандардно поврзани со 8-степен автоматски менувач.
Во основната верзија, моќта се пренесува на предните тркала, додека погонот на сите 4 тркала е достапен како опција.
„Jeep Grand Cherokee L“ ќе пристигне во американските продажни салони во половината на 2021-ва година, а цените засега не се познати.
Само за споредба, актуелниот „Jeep Grand Cherokee“ со два реда седишата има почетна цена од 37.765 долари, па така треба да се очекува нешто повисока почетна цена за поголемиот и полуксузен „L“.
Коментари