За 110-от роденден на марката „Alfa Romeo“, компанијата го претстави моделот „Giulia GTA“, кој е уште поспортска верзија на „Giulia GTAm“ претставена во март 2020-та година. Двата автомобили се дизајнирани не само за возење со голема брзина, туку и за забава, што е многу важно за производителот.
Тимот на „Motor1“ го посети местото каде што се развива, произведува и тестира новата супер лимузина. Се базира на моделот „Giulia“ во верзијата „Quadrifoglio“, кој користи 2,9-литарски бензински твин-турбо V6 мотор со 510ks. За „GTA“, моќноста на моторот е зголемена за 30ks.
Моделот е развиен во фабриката во Помилијано д’Арко (близу Неапол), каде се тестираат главните компоненти на автомобилот, а главниот инженер на проектот Доменико Багнаско ги открива неговите технички карактеристики.
Екипата потоа се упати кон фабриката во Касино (на средина помеѓу Неапол и Рим), каде што првите „GTA“ и „GTAm“ наскоро ќе беа надвор од монтажната линија (слично на врвните верзии на „Giulia“ и „Stelvio“). Флексибилното производство овозможува изградба на специјални верзии како „GTA“ и „GTAm“ без поголеми проблеми, од кои само 500 единици мора да бидат произведени.
Според менаџерот на производи на „Giulia GTA“ – Николо Вианело, проверката на првите готови единици на двата модели е особено важна за да се разјаснат сите детали.
На крајот од нивното патување, екипата имаше можност да ги тестира динамичните квалитети на болидот на периферијата на Торино, и ова е омиленото место на механичарите на „Alfa Romeo“ за спроведување на вакви тестови.
Коментари