Едно од најнапредните кинески оружја, хиперсоничната ракета ДФ-17, доби нова надградба која се чини дека му дава таканаречени „stealth“ карактеристики, сметаат воените експерти кои во извештаите на кинеските медиуми ја виделе најновата снимка од ракетата.
Видеото со кое се слави петгодишнината од основањето на ракетните сили на Народноослободителната армија(PLA), објавено од порталот 81cn, покажува досега непознат систем за подигање и лансирање (ТЕЛ) на овие ракети од транспортерите.
На ова видео е прикажан транспортер со систем TEL кој ја крие ракетата од надворешeн поглед и од горе изгледа како да е обичен воен транспортер.
Иако не е наведено во тоа видео, кинеските медиуми пишуваат дека станува збор за надградена верзија на хиперсоничниот ракетен систем ДФ-17.
Ваквото скриено кинеско смртоносно оружје може да им отежни на непријателските воздушни сили или сателити да ги детектираат, а самата ракета останува заштитена од атмосферските услови надвор од возилото и другите можни компликации поврзани со транспортот.
Дури и CCTV потврди дека ова е најнов систем за подигање и лансирање ракети, кој може целосно да ги скрие проектилите во внатрешноста на транспортерот.
CCTV исто така извести дека ракетните сили ПЛА опремени со овој вид ракети неодамна спроведоа вежба за лансирање, со што дадода до знаење дека бригадата постигнала целосна борбена готовност.
Да потсетиме, воените аналитичари тврдат дека хиперсоничната ракета со краток дострел ДФ-17 во моментов не може да биде пресретната од ниту една противвоздушна одбрана во светот.
