Ексцентричниот претприемач и љубител на вселенско патување Илон Маск е најбогатиот човек на светот

Сопственикот на Amazon и Blue Origin, Џеф Безос, по скоро четири години веќе не е најбогатата личност во светот. Тој беше симнат од тронот од ексцентричниот претприемач и љубител на вселенско патување – Илон Маск.

Се проценува дека богатството на Маск надмина 185 милијарди долари откако акциите на Тесла значително скокнаа и пазарната вредност на компанијата помина над 700 милијарди долари.

Значи, Тесла во моментов е повредна од Тојота, Фолксваген, Хјундаи, ГМ и Форд заедно.

Маск на веста дека е најбогатиот човек на светот не троши премногу зборови. Тој само одговори на Твитер со „колку е чудно“ и „добро, ајде да се вратиме на работа“.