Во 2020-та година, 500 милиони луѓе помалку поминале низ американските аеродроми отколку во 2019-та година, што претставува пад на бројот на патници за 61 процент, објави Управата за безбедност на сообраќајот на САД (ТЅА).
„ТЅА“ во понеделникот објави дека во текот на 2020-та година регистрирала 324 милиони патници кои поминале низ американските аеродроми, додека во 2019-та година имало 824 милиони.
Во текот на 2020-та година, воздушниот сообраќај нагло опадна заради глобалната пандемија на вирусот Ковид-19, но во последните неколку недели имаше мало зголемување, објави „Reuters“.
Па така, во неделата, „ТЅА“ регистрираше 1.327 патници на американските аеродроми, што е најмногу од средината на март и почетокот на пандемијата, но сепак 45 проценти помалку отколку истиот ден – 3-ти јануари 2019-та година.
Министерството за внатрешни работи на САД проценува дека бројот на патници ќе продолжи да се зголемува, но дека ќе има помалку од нив во текот на 2021-та година, отколку пред пандемијата на коронавирусот.
