Ветерните електрани во Европа произведоа 7% повеќе електрична енергија во 2020-та година, според „WindEurope“, цитиран од „S&P Global“. Минатата година, континентот генерираше електрична енергија од ветерот од 418 терават часови.
Во последните денови од декември, бурата „Бела“ доведе до зголемување на производството, а турбините на ветер обезбедија 31% од потрошувачката на енергија во Европа. Само на 27-ми декември биле генерирани 2,4 терават часови електрична енергија од ветер, што е највисоко ниво од февруари 2020-та година.
Во исто време, на 9-ти декември, студеното и мирно време го намали производството на ветерните електрани и тие опфатиле само 9% од потрошувачката.
Токму ова нерамномерно производство доведува до големи флуктуации на цените. Во Германија, на пример, цената на електричната енергија се движи од двегодишен максимум до негативни вредности во рок од еден месец.
Рекордни нивоа на ветерната енергија се пријавени во Велика Британија, Шпанија, Португалија и Полска, според „WindEurope“.
Во 2020-та година, во Европа се инсталирани 14 нови гигавати турбини на ветер. Така, инсталираната моќност на „Стариот континент“ веќе достигнува 220 гигавати.
