Одлуката на САД да воведат дополнителни царини за француските вина и коњак, покрај оние што веќе беа воведени во октомври минатата година, ќе го чини францускиот сектор за вино и алкохолни пијалоци вкупно повеќе од милијарда евра, соопштија извозниците.
Владата на САД во средата објави дека ќе ги зголеми тарифите за одредени производи од Европската унија, вклучувајќи ги вината и коњакот и други алкохолни пијалоци од Франција, што го влошува долгогодишниот спор со Брисел околу субвенциите за производителите на авиони, се присетува „Reuters“.
Во октомври 2019-та година, САД воведоа царини од 25 проценти за увоз на голем број прехранбени производи од Европската унија, вклучително и француските вина, што го чинеше секторот за вина и алкохолни пијалоци вкупно 600 милиони евра во текот на изминатата година.
„Вкупниот ефект на царините (воведени во октомври 2019-та година и овие сега) врз секторот вино и алкохолни пијалаци како целина ќе надмине една милијарда евра“, изјави Цезар Џирон, претседател на Здружението на извозници на вино и алкохолни пијалоци.
„Тоа е вистински удар на чекан во спор што нема никаква врска со нас“, додаде тој.
Тој исто така предупреди дека новите царини ќе имаат значително влијание врз продажбата на коњак во САД.
