Диди Таихуту, неговата сопруга и трите ќерки, во 2017 година инвестирале скоро сè што имаат во криптовалутата биткоин. Пред речиси четири години, ова семејство беше во фаза на ликвидација на имотот.
Денес, се чини дека тој направен чекор се исплати за семејството Таихуту. За прв пат во историјата, Биткоин ја надмина бројката од 20.000 долари, а според последните податоци, вредноста на оваа валута оди над 22.000, додека семејството го прослави ова на нивниот канал на Youtube.
Ова семејство во моментов води авантуристички, номадски начин на живот, со оглед на тоа што со години биле без адреса и патувале. Сите нивни семејни заштеди се поврзани со оваа ризична криптовалута, а судејќи според податоците за нејзината вредност, семејството очигледно многу добро знае што прави.
„Централните банки и владите полека почнуваат да сфаќаат дека биткоинот е злато на 21 век“, рече Таихуту, цитиран од CNBS.
Таихуту се занимава со овој бизнис од 2010 година, кога валутата вредеше помалку од едно евро.
„Јас сум претприемач. Кога прв пат слушнав за биткоинот, реков: „Ајде да го пробаме“.
Како што објасни, тие влегоа во светот на биткоинот затоа што сакаа да ги променат своите животи.
Иако цената на оваа валута беше едновремено многу ниска, тие и тогаш не се предадоа. Покрај тоа, Диди даде тогаш сè што имаше, затоа што вели дека секогаш бил убеден дека оваа криптовалута ќе оживее и ќе се опорави.
Како што понатаму изјави Таихуту, тој нема да биде изненаден ако биткоинот достигне вредност од дури 200.000 долари до 2022 година. Некои аналитичари се согласуваат дека оваа дигитална монета има уште многу простор за раст. Биткоин, според некои проценки на аналитичарите, би можел да вреди 60.000 долари до крајот на следната година.
Погледнете го нивното видео:
