Папата Франциско, кој дискретно го прослави својот 84 роденден, повторно упати апел до земјите да гарантираат за „најсиромашните“ пристап до вакцината против коронавирус.
„Го повторувам својот апел до политичките функционери и приватниот сектор, да усвојат соодветни мерки за гарантирање на вакцините против Covid-19 и неопходната технологија за помош на болните и сите оние кои се сиромашни и ранливи групи“, напиша тој во говорот подготвен за 1 јануари, Денот на мирот кој е моментално објавен.
Поглаварот на Римокатоличката црква, кој годинава избра да ја брани „културата на грижа за другите“, изрази жалење за „различните форми на национализам, расизам, ксенофобија, војни и конфликти, што шират смрт и уништување“, велејќи дека „за жал, тие земаат замав”.
Тој рече дека треба да се потсетиме на почитувањето на хуманитарното право, особено во време кога војните и конфликтите се менуваат без прекин.
„За жал, многу региони и заедници веќе не се сеќаваат на времето кога живееја во мир и безбедност“, а гладот се вкорени таму каде што некогаш не беше познато.
Папата предложи сите средства наменети за воени трошоци да бидат вложени во светскиот фонд за конечно искоренување на гладот и за развој на најсиромашните земји.
На неговиот роденден, кој беше „обележан многу едноставно“, според неговиот портпарол, папата Франциско испратил четири респиратори во Венецуела.
