Во аптеките во Белград од денеска почнаа да се продаваат домашни тестови на коронавирус.
Директорката на „Апотека“ од Белград, Јасминка Бјелетиќ, за порталот „Б92.нет“ изјави дека тестовите за коронавирус, кои се сигурни 98 проценти, од денес ќе може да се купуваат во белградските аптеки.
Според неа, за почеток ќе бидат снабдени 40 најголеми и најважни аптеки во градот.
Како што вели, веќе се порачани дополнителни резееерви, кои ќе бидат доставени според барањата и потребите на аптеките.
Тестовите се произведени во Кина и Јужна Кореја. Цената е 1.296 динари(680 денари).
