Повеќе од 73 милиони луѓе во светот се заразиле со коронавирусот, покажуваат податоците на веб-страницата „Ворлдометерс“. Бројот на смртни случаи надмина 1,6 милиони, а бројот на закрепнати расте – 51 милион.
Активни се 20.131.031 случај или 99,5 отсто, а 106.299 лица се во сериозна состојба или 0,5 отсто.
Здравствените работници сочинуваат три проценти од светската популација, сепак, тие сочинуваат дури 14 отсто од вкупниот број заразени со коронавирусот, објави Светската здравствена организација (СЗО).
Директорот на СЗО, Тедрос Гебрејезус, ја пофали работата на здравствените работници ширум светот на брифингот во Женева.
„Пандемијата нè потсети сите на херојското дело на здравствените работници, кои секојдневно се борат против пандемијата. Има само три отсто од нив во светот, но тие сочинуваат 14 отсто заболени од вкупната популација“, рече Тедрос, како што објави ТАСС.
