Пред изборите во Норвешка, евроскептиците се во пораст, пишува во анализата на европското издание „Politico“. Според анкетите за изборите во септември 2021-ва година, на нив води Партијата на центарот, која се потпира на поголема политичка дистанца меѓу Осло и Брисел.
Норвешка не е членка на ЕУ, но има многу блиски односи со заедницата од која било друга трета земја. Во 1994-та година, нејзините граѓани го одбија членството во ЕУ, но Осло ги следеше европските правила и потроши милијарди за пристап до единствениот европски пазар.
За периодот 2014-2021-ва година, земјата плати 2,7 милијарди евра грантови за Брисел.
За претставниците на Партијата на центарот, ова е лош договор. „Треба да разговараме за алтернативите“, рече Сигбјор Јелсвик, одговорен за односите на партијата со ЕУ. За него, „традиционалениот трговски договор со Канада“ би бил посоодветен за односите меѓу двете земји.
Но, барајќи ваков договор, Норвешка ќе се соочи со истиот отпор на ЕУ со кој се соочува британскиот премиер Борис Џонсон во моментов. Во моментот, земјите од заедницата се повеќе склони да ризикуваат недостаток на договор со Велика Британија отколку да ги напуштат своите принципи во врска со пристапот до единствениот пазар, посочува изданието.
За Брисел, ова е следниот фронт на нестабилност што се отвора кон север. Заедницата во моментов преговараше за излез на Велика Британија, но во исто време Шкотска се залагаше да ја напушти Велика Британија и да се врати во ЕУ. Данска и Шведска се членки на ЕУ, но сепак одбиваат да влезат во монетарната унија. Пред десет години, Исланд аплицираше за членство во заедницата, но потоа повторно го разгледа и се откажа.
Покрај тоа, ЕУ ќе мора да се откаже од милијарди грантови од Норвешка.
„Politico“ забележува дека сегашниот договор меѓу ЕУ и Норвешка им дава на властите во Осло контрола над главните сектори на економијата, особено риболовот, но исто така ја принудува земјата да следи некои политики на ЕУ, кои можеби не ги поддржува.
Најновите анкети покажуваат дека Партијата на центарот во моментов води и би освоила 22,1% од гласовите на изборите. Следна е Работничката партија, која е меѓу сојузниците на „центристите“. Конзервативната партија, која во моментов владее, добива поддршка од 20,2% од Норвежаните.
Партијата на центарот ја критикуваше администрацијата на премиерот Ерна Солберг и во други области – на пример, реформата со која што ги направи административните области поголеми. На овој начин, локалната самоуправа се оддалечува од проблемите на луѓето.
„Центристите“ имаат многу врска со тоа што Норвешка не е дел од ЕУ – партијата водеше кампања против членството за време на референдумите во 1972-ва и 1994-та година. Партијата е основана пред скоро еден век, а нејзината главна задача беше да ги заштити интересите на земјоделците.
