Еврозоната одобри исплата на нова кредитна транша за Грција во износ од четири милијарди евра, соопшти претставникот на Европската комисија, Сајмон О’Конор.
– Грција ги исполни сите преземени обврски и тоа значи дека може да и одобриме исплата на нова транша, нагласи О’Конор.
Исплатата на средствата е одобрена денеска од работна група на еврозоната и тие ќе и бидат префрлени на Атина на две рати.
Првиот дел од парите, 2,5 милијарди евра, ќе пристигнат в понеделник, а останатите 1,5 милијарди евра Грција ќе ги добие до крајот на летото.