Британско-шведската фармацевтска компанија „AstraZeneca Plc“ објави дека ќе ја купи „Alexion Pharmaceuticals Inc.“ во договор од 39 милијарди долари, додавајќи го развивачот на ретки третмани на болести и имунологија во своето портфолио.
Понудата за „Alexion“ беше 175 долари за акција, што е премија од 45% во однос на цената на акцијата на компанијата од крајот на последната сесија во петокот.
Аквизицијата на „Alexion“ ќе ја поддржи работата на „AstraZeneca“ во области како што е лекување на крвни заболувања, а договорот е поврзан со планот на извршниот директор Паскал Сорио за преструктуирање. Откако ја презеде функцијата во 2012-та година, тој го упати производителот на лекови во други профитабилни области, како што се терапии со рак.
„AstraZeneca“, заедно со Универзитетот Оксфорд, успеа да развие вакцина против Ковид-19, која покажа висока ефикасност во студиите.
Акционерите на „Alexion“ ќе добијат 60 долари во готовина и 2.143 американски депозитарни на акции „AstraZeneca“ за секоја акција на „Alexion“, соопшти британско-шведската фармацевтска компанија.
Акциите на „AstraZeneca“ пораснаа за 7% во оваа година и скоро 70% во последните три години, што ја зголеми нејзината пазарна вредност на 107 милијарди фунти (142 милијарди долари).
Аквизицијата се очекува да се затвори во третиот квартал од 2021-ва година и акционерите на „Alexion“ ќе поседуваат 15% од акциите во комбинираните компании.
