Бројот на вработени кои работат според краткорочна шема во Германија се зголеми во ноември, соопшти Институтот за економија „Ifo“, сугерирајќи дека делумната блокада влијаела на пазарот на трудот во најголемата европска економија.
Бројот на работници со скратено работно време се искачило на околу 2 милиони во ноември од околу 1,8 милиони во октомври, објави „Reuters“, повикувајќи се на податоците на „Ifo“.
Уделот на компаниите во Германија кои користат краткорочни шеми се зголеми во ноември, особено откако делумната блокада влијаеше врз вработувањето во туристичката и угостителската индустрија.
Според студијата на „Ifo“ околу 7.000 компании го делат уделот на фирмите кои имаат корист од оваа шема кој се зголемил за 28% во ноември, од 24,8% во октомври.
Краткорочната работа им овозможува на работодавците да го поддржуваат бизнисот, а вработените да работат помалку време. Неговата цел е да спречат ненадејни шокови што ќе доведат до масовна невработеност.
Податоците од почетокот на месецот покажаа дека германската невработеност неочекувано опадна во ноември, и покрај делумната блокада во обидот да се запре вториот бран на коронавирусот.
Бирото за труд објави дека бројот на невработени се намалил за 39.000 лица до 2,817 милиони според сезонски прилагодените податоци. За споредба, истражувањето на „Reuters“ предвидува зголемување на невработените за 8.000 лица.
Берлин одлучи да ги заостри анти-епидемиските мерки и да затвори барови, ресторани и места за забава барем до 20-ти декември. Канцеларката Ангела Меркел сугерираше дека ограничувањата можат да бидат продолжени до почетокот на следната година, доколку бројот на заразени не падне значително.
Владата на Меркел веќе презеде невидени чекори за да им помогне на компаниите и малите бизниси да ја поминат кризата. Властите објавија милијарди евра за да го ублажат влијанието на пандемијата врз економијата.
