Речиси 100 милиони нови автомобили се произведуваат годишно во светот.
Индивидуално, Кина е убедливо најголемиот производител на автомобили на планетата, со околу 25,7 милиони произведени возила годишно, пишува сајтот „MoneyShake.com“.
48,9 автомобили се произведуваат во оваа земја секоја минута. Тоа е повеќе отколку во следните три земји заедно – САД (20,7), Јапонија (18,4) и Германија (8,9).
Кога станува збор за автомобилските компании, повеќето возила се произведуваат за една минута во погоните на „Toyotа“ (19,9), а потоа и во фабриките на групацијата „Volkswagen“ (19,8).
На третото место е јужнокорејската автомобилска групација „Hyundai“, со 13,7 автомобили произведени во минута. Четврти е „General Motors“ (13) и петти е „Ford“ (12,2).
Следува „Nissan“ (11), кој е рангиран одделно на оваа листа, иако е дел од групацијата со француската компанија „Renault“, по што следуваат „Honda“ (10), „FCA“ (8,8), „Renault“ (7,9) и „PSA“ (6,9).
Ако ги додадеме перформансите на „Nissan“ и „Renault“, нивната група би произведувала 18,9 автомобили секоја минута и би била на третото место на оваа листа, веднаш зад „Toyotа“ и „Volkswagen“.
