Во вкупната продажба на нови автомобили минатиот месец во Европската унија, „SUV“ моделите учествуваа со дури 40 проценти.
Резултатите од продажбата во октомври во 27-те земји на ЕУ покажуваат дека продолжува трендот на растечка популарност на моделите на „SUV“/кросовер.
Имено, во изминатиот месец, уделот на пазарот на овој вид автомобили во вкупната продажба достигна 40,7%, објави „JATO Dynamics“.
Најбарани „SUV“/„кросовер“ модели беа „Renault Captur“ (продадени 18.436 примероци), „Peugeot 2008“ (17.420) и „Volkswagen T-Roc“ (15.275).
Супкомпактните и компактните модели на хечбек сè уште се многу популарни. Така, во октомври во ЕУ, пазарниот удел на субкомпактните (Б сегмент) возила во вкупната продажба била 18,9%.
Најпродавани се моделите „Renault Clio“ (22.588), „Opel/Vauxhall Corsa“ (21.220) и „Peugeot 208“ (19.130).
Веднаш зад нив се моделите од „C“ сегментот – компактна класа, со учество од 17,9%.
Како што се очекуваше, најбаран бил „VW Golf“ (27.530 примероци), следен од „Ѕkoda Octavia“ (17.216) и „Mercedes A-Class“ (15.848).
Малите градски автомобили сочинуваат 7,1% од вкупната продажба, а во оваа класа сè уште доминираат возилата на „FIAT“, „Panda“ (19.046 продадени возила) и „Model 500“ (12.848). Трет е „Renault Twingo“ (7.512).
Миниван возилата или „MPV“ се помалку се бараат, па затоа нивниот удел на пазарот падна на 3,2%.
Во овој сегмент некако се истакнуваат „Mercedes B class“ (4,082 продадени единици), „VW Touran“ (4,042) и „Renault Scenic“ (4,025).
