„Bugatti“ со верзијата на „Chiron Sport“ наречена „Les Légendes du Ciel“ го прославува својот успех во авиоиндустријата и тркачките патеки од почетокот на 20-тиот век.
„Bugatti“ има во план да произведе 20 примероци од моделот „Chiron Sport Les Légendes du Ciel“ oд кој секој ќе чини 2,88 милиони евра.
Автомобилот е обоен во мат сива боја која „Bugatti“ ја нарекува „Serpent“, a содржи и широка бела линија која оди преку каросеријата.
На страните се боите на француското знаме, сина, бела и црвена и тие се наоѓаат веднаш зад предните крила.
Погонот е превземен од „Chiron Sport“, a станува збор за 8,0-литарски W16 мотор кој развива 1.479 KS и 1.600 Nm вртежен момент.
