Просечната плата во Србија 507 евра, пораснала за 9,2 проценти

Просечната нето-плата во Србија, пресметана за септември, изнесува 59.698 динари(507 евра), што е номинално за 11,2 проценти повеќе отколку во истиот месец минатата година, или реално за 9,2%, објави Републичкото биро за статистика на Србија.

Како што е наведено, просечната бруто плата (со вклучени даноци и придонеси) изнесува 82.515 динари и е номинално повисока за 11,3 проценти, а реално за 9,3 проценти.

Медијалната нето плата за септември била 45.817 динари, што значи дека 50 проценти од вработените имале плата до таа сума.

Растот на нето-платите во периодот јануари-септември годинава, во споредба со истиот период од претходната година, изнесува 9,4 проценти номинално и 7,7 проценти реално, додека бруто платите номинално се зголемија за 9,5 проценти, а реално за 7,8 проценти.