Новоизбраниот американски претседател Џо Бајден се очекува да ја номинира Џенет Jелен, поранешна претседателка на Управниот одбор на Федералните резерви, за министер за финансии и да ја врати на чело на Федералните резерви.
Со ова назначување, Бајден би ја срушил родовата бариера што постои во САД веќе 231 година, но исто така би назначил економист и експерт за пазар, а не финансиски експерт, за шеф на Федералните резерви, во време на економска криза невидена од периодот на „Големата депресија“, десетгодишен економски пад што ја уништи Америка меѓу 1929-та и 1939-та година.
Новиот шеф на Министерството за финансии треба да се фокусира на прогресивни решенија за два основни проблеми – растечката економска нееднаквост и климатските промени, принудувајќи ги приоритетите на администрацијата на Трамп во втор план – намалување на даноците и финансиски регулативи, дознава „Reuters“ од кругови поврзани со Претседателската кампања на Бајден.
Јелен (74) ќе му ги стави на располагање на Бајден своето децениско искуство и економска експертиза, како и угледот што го градеше во Конгресот на САД, во меѓународните финансиски и деловни кругови.
Таа ќе биде првиот американски службеник кој истовремено ќе ги предводи Министерството за финансии, Федералните резерви и одборот на економски советници во Белата куќа.
Очигледно, улогата на Јелен ќе биде главно политичка и економска, иако Федералните резерви традиционално се дистанцираат од партиската политика и интереси.
