„Apple“ располага со 146.6 милијарди долари кеш и краткорочни и долгорочни хартии од вредност во последниот квартал. Компанијата генерира 7.8 милијарди долари кеш од активност во последниот квартал, што е најслабиот нејзин квартал од годинава. „Apple“ веќе даде повеќе од кешот во форма на дивиденда и откуп на акции, што е прилично здодевен начин за трошење на овие пари.
Што може поинтересно да направи компанијата со нив? Еве неколку идеи:
„Apple“ има околу 41.000 вработени во областа на продажбата на мало во целиот свет. Компанијата би можела да им даде на секој од овие уморни луѓе еднократен бонус во висина од 3.5 милиони долари.
„Apple“ би можел да купи по еден таблет „iPad“ за секој граѓанин на САД.
Сите тврдат дека „Apple“ треба да биде социјален. Тоа може да стане толку бргу ако компанијата одлучи да ги купи „Facebook“ (63 милијарди долари), „Twitter“ (20 милијарди долари) и „LinkedIn“ (21 милијарди долари).
„Apple“ би можел да го купи „Amazon“ чија пазарна вредност е 136 милијарди долари.
Зошто сепак да го прави тоа? За задоволство!
„Apple“ исто така би можел да го купи „HP“ (50 милијарди долари) и „Dell“ (24 милијарди долари) и да ги затвори, само за да има поголем удел од компјутерскиот пазар.
„Apple“ сака да инвестира во телевизискиот пазар. Тој би можел да ги купи големите компании како „Time Warner“ (58 милијарди долари), „CBS“ (32 милијарди долари), „Twenty First Century Fox„ (30 милијарди долари).
Со своите пари „Apple“ би можел да купи по четири хамбургери „Big Mac“ за секој човек во светот!
„Apple“ е заинтересиран и за автомобилскиот пазар. Зошто да не го купи „Tesla“ кој чини 14 милијарди долари и „Ford“ чија пазарна вредност е 68 милијарди долари и да направи „iCar“?
„Apple“ исто така би можел да ги купи скоро сите тимови од НХЛ, НФЛ и НБА. Потоа може да ги обезбеди телевизиските права за натпреварите бесплатно за „Apple TV“.
„Apple“ мрази да прави бизнис со „Samsung“. Зошто да не го купи „TSMC“ (88 милијарди долари пазарна вредност) и да произведува сопствени чипови и да се откаже од „Samsung“?
