Европската унија (ЕУ) издаде втора емисија на социјални обврзници според инструментот „SURE“, соопштува Брисел. Вредноста овој пат е 14 милијарди евра. Овие пари ќе бидат искористени за поддршка на проекти за заштита на работните места во земјите од ЕУ.
Емисијата содржи два вида обврзници – со рок на достасување во ноември 2025-та година (8 милијарди евра) и со рок на достасување од ноември 2050-та година (6 милијарди евра).
И овој предлог помина со голем интерес, како што беше со првиот, се вели во соопштението од ЕК. Емисијата на петгодишни обврзници беше повторно претплатена 13 пати, а 30-годишните обврзници за 11,5 пати.
Побарувачката достигна 175 милијарди евра за петгодишни обврзници и 105 милијарди евра за 30-годишни обврзници при крајот на емисијата, според официјалното соопштение на банките вклучени во работењето – „BofA Securities“, „Commerzbank“, „Crédit Agricole CIB“, „DZ BANK“ и „TD Securities“.
Скоро две третини од емисијата на петгодишните обврзници беа купени од централните банки и фондовите за управување. 24% од изданите беа наменети за инвеститори од Велика Британија.
Германските инвеститори, кои купија 29% од емисијата, имаа најголем интерес за 30-годишните обврзници. На тендерот учествуваа управувачки фондови (38%) и пензиски фондови (23%).
Приносот на обврзниците со достасување во 2025-та година е -0,509%, а на оние што доспеваат во 2050-та година е 0,317%.