Откако американските медиуми го прогласија Џо Бајден за нов претседател на САД, штабот на Трамп објави дека изборите сè уште не се завршени.
Ваквата реакција е малку изненадувачка, имајќи ја предвид целата врева на Доналд Трамп за „неправилностите“ во последните денови. Секако, тоа не помина без реакции на социјалните мрежи.
На социјалните мрежи повторно кружи клипчето на „Comedy Central“, во кое „Трамп“ е бесен затоа што не сака да ја напушти градинката, односно Белата куќа, а многумина заклучија дека видеото е поактуелно сега отколку во 2017 година, кога е направено.
“Не сакам да одам, не сакам да одам!” – Трамп извикува додека скока на топката како дете, а потоа го влечат по подот.
