„Apple“ ги објави резултатите од своето работење во вториот квартал од оваа календарска година. Профитот на компанијата ги надмина очекувањата на аналитичарите.
Во тромесечието кое заврши на 30-ти јуни, „Apple“ оствари 6.9 милијарди долари профит. Вкупниот приход изнесува 35.3 милијарди долари или нешто повеќе од минатогодишните 35 милијарди. Иако растот е многу голем „Apple“ работеше подобро отколку што очекуваа аналитичарите, па поради тоа акциите на оваа компанија по објавувањето на резултатите пораснаа за 5 проценти.
Што се однесува до останатите бројки, ситуацијата е ваква:
Продадени се 31.2 милиони „iPhone“ уреди, 14.6 милиони „iPad“ и 3.8 милиони „Mac“ компјутери. „iTunes“ на компанијата и донесе 2.4 милијарди долари приход.
„ Бројот на продадени „iPhone“ телефони нуди утеха за инвеститорите кои се загрижени околу побарувачката за паметни телефони. Тоа е една од причините поради која скокнаа акциите. Очекувањата не беа големи за овој квартал“, истакна аналитичарката Шенон Крос.
Покрај тоа што ги оправдаа и ги надминаа очекувањата на аналитичарите од „Apple“ не успеаа да остварат поголем профит во овој квартал во однос на истиот период од минатата година, а аналитичарите сметаат дека „Apple“ мора да претстави нови производи за да продолжи со растот.