Нови 565 случаи со Ковид-19 се регистрирани од направени 1.325 тестирања во последните 24 часа, што е многу висок процент на позитивни сучаи. Како последица на инфекцијата починале 21 лице, а 154 оздравеле, соопшти вечерва Министерството за здравство.
Од новорегистрираните, најголем број се во Скопје-230, по што следи Прилеп со 65, Тетово со 39, Куманово со 35, Гостивар и Велес по 27. Во Струмица има 17 нови случаи, Битола и Кочани по 15, во Штип и Гевгелија по 13, Кавадарци-10, Неготино-9, Радовиш-7, Крива Паланка и Кратово по 6, Берово-5, Валандово, Виница, Охрид и Пробиштип по три, Делчево-2, Свети Николе-4, Кичево и Крушево по 3, Ресен и Струга по еден.
Институтот за јавно здравје денеска регистрира 154 оздравени пациенти од: Скопје-58, Штип-7, Прилеп-9, Тетово-6, Струга-8, Велес-7, Битола-11, Охрид-11, Кавадарци-5, Гостивар-6, Струмица-9, Кочани-5, Пробиштип-2, Демир Хисар-1, Берово-1, Валандово-2, Виница-1, Свети Николе-2, Неготино-3.
Од починатите, 6 пациенти од Скопје (45,52, 63, 67, 68 и 84г), пет од Тетово (69, 73, 75, 69 и 83г), еден од Куманово (74г), двајца од Велес (83 и 89г), двајца од Богданци (75 и 85г) и по еден пациент од Битола (79г), Радовиш (71г), Прилеп (61г), Охрид (51г) и Штип (63г). Освен еден пациент кој е починат вон, сите други се починати во болнички услови.
На Инфективната клиника во изминативе 24 часа примени се 7 пациенти. Вкупно се хоспитализирани 161 пациенти. На кислородна поддршка се 128 пациенти, нема пациенти на механичка вентилација. Во болницата во Козле хоспитализирани се 10 позитивни и 2 суспектни деца на Ковид-19 и 19 возрасни пациенти, позитивни на вирусот. Во ГОБ „8 Септември“ има 10 приеми, а вкупно хоспитализирани се 79 пациенти. На респиратор се 2 пациенти. Во болницата во Битола, пак, се хоспитализирани 61, а во болницата во Штип 51 пациент. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани, Гевгелија, Дебар, Кичево и Кавадарци се хоспитализирани 351 позитивни и сомнителни на Ковид-19.
Вкупната бројка на ковид дијагностицирани во нашата земја од почетокот на епидемијата изнесува 32 997, бројката на оздравени пациенти е 21244, на починати 1025, а бројот на активни случаи 10728.
Според завршените епидемиолошки анализи во моментов дистрибуцијата по градови е следна:
• Скопје 14272, активни 5042
• Куманово 2365, активни 466
• Дебар 346, активни 54
• Штип 1728, активни 306
• Прилеп 1441, активни 565
• Тетово 2332, активни 636
• Струга 837, активни 110
• Велес 843, активни 438
• Битола 740, активни 299
• Охрид 736, активни 258
• Кавадарци 548, активни 240
• Гостивар 1272, активни 259
• Гевгелија 416, активни 200 (21 лица од ПЕ Гевгелија се жители на Дојран, 69 на Богданци и 12 се странски државјани)
• Струмица 1010, активни 568
• Крива Паланка 253, активни 101
• Радовиш 251, активни 90
• Крушево 32, активни 11
• Кочани 750, активни 223
• Пробиштип 212, активни 72
• Демир Хисар 85, активни 18
• Македонски Брод 106, активни 10
• Пехчево 60, активни 8
• Берово 220, активни 56
• Валандово 111, активни 40
• Виница 190, активни 73
• Делчево 264, активни 109 (66 лица од ПЕ Делчево се од Македонска Каменица)
• Кратово 62, активни 32
• Свети Николе 494, активни 91
• Кичево 596, активни 191
• Ресен 254, активни 69
• Неготино 171, активни 93 (18 лица од ПЕ Неготино се жители на Демир Капија)
Најмногу активни случаи по општини во Скопје има во Аеродром 869, по што следат Карпош со 741, Центар со 668, Гази Баба со 650, Кисела Вода со 649, Ѓорче петров со 402, Чаир 275, Бутел – 266, Илинден 121, Шуто Оризари – 53, Сопиште 43, Сарај и Петровец по 38, Чучер Сандево -28, Зелениково -16, Арачиново 10, странци се 45, а 109 се нераспределени.
Направените 1325 теста се преку: ИЈЗ-610, ЦЈЗ Скопје-60, Авицена-0, Биотек-0, МАНУ -156, Жан Митрев (Филип Втори) -181, Систина со PCR метода -141, лабораторија Лаор –0, Судска медицина-0, ЦЈЗ Битола-20, Инфективна клиника-15, ГАК-0, Синлаб-43, Ремедика-0, лабораторија болница Козле-99, лаборатории од странство-0. Досега во земјата се направени вкупно 253.173 тестирања на Ковид -19.
